Anvar Zulfanov va Akbarxon Ibragimov Toshkent viloyati soliq boshqarmasi boshlig‘iga o‘rinbosar etib tayinlandi. Bu haqda viloyat soliq boshqarmasi matbuot xizmati xabar berdi.
Tayinlovga qadar Anvar Zulfanov Toshkent viloyati soliq boshqarmasi Soliq nazorati bo‘limi boshlig‘i lavozimida faoliyat yuritib kelayotgan edi.
Anvar Zulfanov 1982-yilda tug‘ilgan. Toshkent davlat iqtisodiyot universitetini tamomlagan. Soliq tizimidagi mehnat faoliyatini 2007-yil Toshkent shahar Mirzo Ulug‘bek tumani davlat soliq inspeksiyasi Yuridik shaxslardan soliq va to‘lovlarni budjetga tushushini nazorat va taxlil qilish sho'basi davlat soliq inspektori lavozimidan boshlab, sho‘ba boshlig‘i, bo‘lim boshlig‘i, davlat soliq inspeksiyasi boshlig‘i o‘rinbosari lavozimlarida faoliyat yuritgan.
Akbarxon Ibragimov tayinlovga qadar Toshkent shahar Yangi hayot tumani soliq inspeksiyasi boshlig‘i lavozimida faoliyat yuritib kelayotgan edi.
U 1984-yilda tug‘ilgan. 2005-yili O‘zbekiston Milliy universiteti, 2009-yili Toshkent davlat yuridik institutlarini tamomlagan. Soliq tizimidagi mehnat faoliyatini 2006-yil Toshkent shahar Yakkasaroy tumani davlat soliq inspeksiyasi Inkassatsiya ishlarini tashkil etish sho‘basi davlat soliq inspektori lavozimidan boshlagan.
Izoh (0)