AQSHning Michigan shtatidagi aviashouda MiG-23 qiruvchi samolyoti manyovr paytida halokatga uchradi. Bu haqda Detroyt aeroporti matbuot xizmati xabar berdi.
Samolyot uchuvchisi va yo‘lovchisi omon qoldi, ular katapulta vositasida irg‘ib chiqib, parashyut bilan sakrashga muvaffaq bo‘lgan. Samolyotning o‘zi turarjoy yaqinidagi avtoturargohga qulagan. Hodisa sabablari noma’lum.
Yo‘lovchi va uchuvchi jabrlanmagan bo‘lsa-da, kasalxonaga yotqizilgan.
12-avgust kuni Rossiyaning Kaliningrad viloyatida Su-30 qiruvchi samolyoti halokatga uchragandi. Ekipaj a’zolari halok bo‘ldi. Avariyaning dastlabki sababi sifatida texnik nosozlik ko‘rsatilgan, samolyot o‘quv parvozini amalga oshirayotgan edi. Qiruvchi kimsasiz joyga qulagan.
Izoh (0)