Gavayidagi o‘rmon yong‘inlari oqibatida yetkazilgan jami iqtisodiy zarar 8 milliard dollardan 10 milliard dollargacha bo‘lishi mumkin. Bu haqda MarketWatch xabar berdi.
Ushbu hisob-kitoblarga sug‘urtalangan va sug‘urtalanmagan yo‘qotishlar kiradi, deya ta’kidlaydi kompaniya.
Yong‘inlar nafaqat mintaqa aholisi, ularning mulklari va korxonalariga bevosita zarar yetkazdi, balki kelajakda turizmga ham salbiy ta’sir o‘tkazadi, deyiladi hisobotda.
Kompaniya iyul oyida AQSHning shimoli-sharqida sodir bo‘lgan suv toshqinidan ko‘rilgan zararni 3-5 milliard dollarga baholagandi.
Gavayidagi asosiy sug‘urtachi kompaniyalarga State Farm Insurance, Berkshire Hathaway, Tokio Marine, USAA va Allstate Corp kiradi.
Oxirgi maʼlumotlarga ko‘ra, Gavayidagi o‘rmon yong‘inlari oqibatida kamida 55 kishi halok bo‘ldi.
Izoh (0)