Германия ҳукумати Ангела Меркель канцлер лавозимидан кетганидан сўнг унинг баъзи шахсий харажатларини давлат ҳисобидан қоплаб келаётгани аниқланди. Масалан, Меркелнинг соч турмаги ва макияжи учун ҳукумат салкам 55 минг евро сарфлагани аниқланди.
Politico’нинг Tagesspiegel’га таяниб ёзишича, Ангела Меркель ўз харажатларининг бир қисми учун федерал ҳукуматдан пул олишда давом этмоқда.
Журналистлар қўлга киритган ҳужжатларга кўра, давлат ҳали ҳам Ангела Меркель иштирок этган давлат ва хусусий тадбирларда сартарошлар ва макияж усталари хизматлари учун ҳақ тўлайди.
2022 йилда бу харажатлар 37 780 еврони, 2023 йилнинг биринчи етти ойида эса 17 200 еврони ташкил қилди, деб ёзади Politico.
Германия канселяриясининг маълум қилишича, Ангела Меркелнинг “баъзи харажатларини қоплаб берилиши” собиқ канцлернинг “ошкора ёки ошкор этилмайдиган бўлишидан қатъи назар, амалдаги расмий вазифалари” билан боғлиқдир.
Изоҳ (0)