Shimoliy Qozog‘iston viloyatidagi dam olish maskanlaridan biri hududidagi hayvonot bog‘ida qo‘ng‘ir ayiq odamga hujum qildi. Bu haqda “Nur.kz” xabar berdi.
Ma’lum qilinishicha, jabrlanuvchi og‘ir tan jarohatlari bilan shifoxonaga yotqizilgan. Voqea 30-iyun kuni sodir bo‘lgan.
“Tergov guruhi xodimlari yovvoyi hayvon 43 yoshli erkakka tishlab jarohat yetkazganini aniqladi. Erkak 6-iyun kuni ushbu dam olish maskaniga hududni tozalash va hayvonlarni boqish bo‘yicha xizmat ko‘rsatish shartnomasi asosida sinov muddatiga qabul qilingandi”, — deyiladi xabarda.
Mazkur holat Jinoyat kodeksining 156-moddasi 2-qismi (Mehnatni muhofaza qilish qoidalarini buzish) bilan qayd etilgan. Hozirda tergov harakatlari olib borilmoqda, natijalari bo‘yicha yakuniy protsessual qaror qabul qilinadi.
Izoh (0)