Toshkentdagi eng iflos suvli kanallar nomi maʼlum qilindi

Toshkentdagi kanallar va uning atrofidagi suv omborlaridan yer usti suvlaridan namunalar olib, tahlil qilindi, deb xabar beradi “O‘zgidromet”.

Qayd etilishicha, kimyoviy ifloslantiruvchi moddalar tarkibi suvning ifloslanish indeksi (SII) bo‘yicha o‘rganilgan.

• Bo‘zsuv kanali — Teleminora hududi. Mis bo‘yicha konsentratsiyalar ortishi qayd etilgan – 1,6 REM. Kislorod tartibi qoniqarli, eritilgan kislorodning konsentratsiyasi – 11,34 11,34 mgO/2l . Suv sifati II sinf toza suvlar, SII — 0,73;
• Qorasuv kanali — Furqat bog‘i hududida. Nitritli azot bo‘yicha — 1,05 REM, fenol bo‘yicha – 6,0 REM, mis bo‘yicha 2,2 REM konsentratsiyalar ortishi qayd etilgan. Kislorod tartibi qoniqarli, eritilgan kislorodning konsentratsiyasi — 11,33 mgO/2l. Suv sifati III sinf o‘rtacha ifloslangan suvlar, SII — 1,87;
• Salar kanali — Ekoparkdan quyida. Mis bo‘yicha konsentratsiyalar ortishi qayd etilgan – 4,6 REM. Kislorod tartibi qoniqarli, eritilgan kislorodning konsentratsiyasi — 8,36 mgO/2l. Suv sifati III sinf o‘rtacha ifloslangan suvlar, SII — 1,28;
• Anhor kanali — Kichik halqa yo‘lidan quyida. Neft mahsulotlari bo‘yicha – 7,4 REM, mis bo‘yicha 1,2 REM konsentratsiyalar ortishi qayd etilgan. Kislorod tartibi qoniqarli, eritilgan kislorodning konsentratsiyasi – 11,32 mgO/2l. Suv sifati III sinf o‘rtacha ifloslangan suvlar, SII — 1,68;
• Bo‘rijar kanali — Magic city bog‘i hududi. Mis bo‘yicha konsentratsiyalar ortishi qayd etildi – 1,4 REM. Kislorod tartibi qoniqarli, eritilgan kislorodning konsentratsiyasi — 10,76 mgO/2l. Suv sifati II sinf toza suvlar, SII — 0,54.

Oldingi hafta bilan solishtirilganda Toshkent shahridagi kanallar va Toshkent viloyati suv omborlaridagi suv sifati muhim o‘zgarishlarga duch kelmagan. Suv ifloslanishi indeksi (SII) bo‘yicha qabul qilingan tasnifga muvofiq Toshkent shahar kanallari II va III sinflarga tegishli bo‘lib, toza va o‘rtacha ifloslangan suvlarga to‘g‘ri keladi.

Maʼlumot uchun, suv ifloslanishi indeksidan (SIII) — yer usti suvlari sifatini kompleks baholash uchun foydalaniladi. U nafaqat suv sifatini turli suv obyektlarida solishtirishga, balki  vaqtinchalik va fazoviy dinamikasini baholash imkonini beradi.

Bundan oldin Bosh prokuratura tomonidan “Bo‘zsuv oqova suv tozalash” inshootiga kelib tushayotgan oqova suvlarning tarkibi, ularning tozalanishi hamda Quyi Bo‘zsuv kanaliga quyilishida amaldagi tartib va normativlarga rioya etilish ahvoli Ekologiya, atrof-muhitni muhofaza qilish va iqlim o‘zgarishi vazirligi mutaxassislari ishtirokida o‘rganilayotgani to‘g‘risida xabar berilgandi.