Gollivud aktyori Leonardo Di Kaprio va Amazon asoschisi Jeff Bezos Amazonkadagi tropik o‘rmonlar himoyasini kuchaytirish uchun mablag‘ ajratdi. Bu haqda “Korrespondent.net” xabar bermoqda.
Di Kaprio va Bezos sayyorani himoya qilish loyihasi doirasidagi ushbu maqsadlarga 200 million dollar ajratgan.
Bu mablag‘lar Amazoniyada daraxtlar kesilishining oldini olish hamda Braziliyaning barqaror “yashil” iqtisodga o‘tishini tezlashtirish maqsaqlarida kelgusi to‘rt yil davomida ishlatilishi rejalashtirilgan.
“Bizga Braziliyaning yovvoyi tabiat uchun yer yuzidagi eng muhim joylardan biri — Amazonkani himoya qilish bo‘yicha maqsadlari ma’qul keldi. Shuning uchun ‘Sayyoramizni himoya qilamiz’, loyihasi doirasida ushbu harakatlarni qo‘llab-quvvatlay olishimizdan xursandmiz”, — deydi Di Kaprio.
Bezosning Yer fondi boshqaruvchisi Kristian Samper ham Amazonkaning ekotizimdagi muhim ahamiyatini qayd etib o‘tdi.
“Amazonka iqlim va bio xilma-xillik kelajagida muhim rol o‘ynaydi, shuning uchun biz Braziliya hukumatining uni asrab-avaylash bo‘yicha harakatlarini qo‘llab-quvvatlaymiz”, — deydi u.
Izoh (1)
Hats of to both of them.