Abatbay Daniyarov Qoraqalpog‘istonning Nukus shahriga hokim etib tayinlandi. Bu haqda shahar hokimligi matbuot xizmati xabar berdi.
![](/static/2023/03/Fozilbe/photo_2023-07-26_20-11-18.jpg)
Abatbay Daniyarov shu vaqtga qadar Qoraqalpog‘iston Vazirlar Kengashi raisining yoshlar siyosati, ijtimoiy rivojlantirish va maʼnaviy-maʼrifiy ishlar bo‘yicha o‘rinbosari lavozimida ishlab kelayotgan edi.
26-iyul kuni tashkiliy masala ko‘rilgan xalq deputatlari shahar Kengashi sessiyasida Qoraqalpog‘iston Jo‘qorg‘i Kengesi raisi Amanbay Orinbayev ishtirok etgan.
Abatbay Daniyarov 1987-yilda Nukusda tug‘ilgan, 2008-yilda Nukus davlat pedagogika institutini ingliz tili o‘qituvchisi mutaxassisligi bo‘yicha tamomlagan. 2021-yilda “Do‘stlik” ordeni bilan mukofotlangan.
2020-yil noyabr oyidan buyon Nukus shahar hokimligini Utemurat Panayev boshqarib kelayotgan edi.
Bundan oldin Sanjar Obidov Toshkent shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari etib tayinlangani, Urganch shahri hokimi lavozimida ishlagan Shuhrat Abdullayev 3 yil muddatga ozodlikdan mahrum etilgani to‘g‘risida xabar berilgandi.