O‘zbekistonda qancha erkak ko‘p xotinlik jinoyatini sodir etgani uchun sudlangani ochiqlandi. Bu haqda Oliy sud matbuot kotibi xabar berdi.
Unga ko‘ra, 2018—2022-yillar davomida Jinoyat kodeksining 126-moddasida (ko‘p xotinli bo‘lish) nazarda tutilgan jinoyatni sodir etganlik uchun 34 nafar shaxs sudlangan bo‘lib, ularga tegishli jazo tayinlangan.
Qayd etilishicha, 2023-yilning dastlabki olti oyi mobaynida ushbu ko‘rsatkich 4 nafar shaxsni tashkil etdi.
Avvalroq O‘zbekistondagi erkaklar va ayollar soni e’lon qilingan edi. 2023-yilning 1-iyul holatiga ko‘ra, doimiy yashovchi aholi soni 36 million 372,3 ming kishini tashkil etdi. Ushbu ko‘rsatkich 2022-yilning mos davriga nisbatan 2,2 foizga ko‘paygan.
Shundan:
- Ayollar soni – 18 million 66 ming kishi;
- Erkaklar soni – 18 million 306,3 ming kishi.
Shahar joylarda yashovchi aholi soni 18 million 557,5 ming kishini tashkil etayotgan bo‘lsa, qishloq joylarda 17 million 815,8 ming kishi istiqomat qilmoqda.
Izoh (0)