Ўзбекистонда қанча эркак кўп хотинлик жиноятини содир этгани очиқланди

Ўзбекистонда қанча эркак кўп хотинлик жиноятини содир этгани учун судлангани очиқланди. Бу ҳақда Олий суд матбуот котиби хабар берди.

Унга кўра, 2018—2022 йиллар давомида Жиноят кодексининг 126-моддасида (кўп хотинли бўлиш) назарда тутилган жиноятни содир этганлик учун 34 нафар шахс судланган бўлиб, уларга тегишли жазо тайинланган. 

Қайд этилишича, 2023 йилнинг дастлабки олти ойи мобайнида ушбу кўрсаткич 4 нафар шахсни ташкил этди.

Аввалроқ Ўзбекистондаги эркаклар ва аёллар сони эълон қилинган эди. 2023 йилнинг 1 июль ҳолатига кўра, доимий яшовчи аҳоли сони 36 миллион 372,3 минг кишини ташкил этди. Ушбу кўрсаткич 2022 йилнинг мос даврига нисбатан 2,2 фоизга кўпайган.

Шундан:

• Аёллар сони – 18 миллион 66 минг киши;
• Эркаклар сони – 18 миллион 306,3 минг киши.

Шаҳар жойларда яшовчи аҳоли сони 18 миллион 557,5 минг кишини ташкил этаётган бўлса, қишлоқ жойларда 17 миллион 815,8 минг киши истиқомат қилмоқда.