Turkiyaning “Fotih Karagyumryuk” klubi futbolchisi Otabek Shukurov faoliyatini Italiyada davom ettirishi mumkin.
Sport Italia nashrining xabariga ko‘ra, o‘zbekistonlik futbolchiga Eldor Shomurodovning to‘p surgan “Jenoa” qiziqish bildirmoqda.
Otabek Shukurov o‘tgan mavsum Turkiya chempionatida 28 ta o‘yin o‘tkazib, bitta gol va bitta golli uzatmaga mualliflik qilgandi.
27 yoshli yarim himoyachi faoliyati davomida “Mash’al”, “Bunyodkor” va “Sharja” kabi klublar sharafini himoya qilgan.
Ma’lumot uchun, “Jenoa” 2022/23-yilgi mavsum B Seriyada 2-o‘rinni band etib, A Seriyaga yo‘l olgan edi.
Izoh (0)