Prezident Jo Bayden Tayvanga 345 million dollar miqdorda harbiy yordam ajratilishini e’lon qildi. Xitoyning AQSHdagi elchixonasi Vashingtonni Tayvanga qurol-yarog‘ berishdan bosh tortishga chaqirdi.
Pul Pentagonning mudofaa mahsulotlari va xizmatlari, harbiy sohadagi ta’lim va kadrlar tayyorlash sohalari uchun ajratiladi, deyiladi Oq uy bayonotida. Reuters xabariga ko‘ra, paketga to‘rtta MQ-9A razvedkachi uchuvchisiz samolyoti kirishi mumkin, biroq hozircha ulardan faqat amerikalik harbiylargina foydalanishi mumkin bo‘lgan zamonaviy jihozlarni olib tashlash masalasi ishlab chiqilmoqda.
Xitoyning Vashingtondagi elchixonasi bu qarorni tanqid qildi.
“AQSH “Yagona Xitoy prinsipi” va “Xitoy-AQSH” uchta qo‘shma kommyunikasiga amal qilishi va Tayvanga qurol sotishni to‘xtatishi, Tayvan bo‘g‘ozida keskinlikka olib kelishi mumkin bo‘lgan yangi omillarni yaratishni to‘xtatishi, Tayvan bo‘g‘ozida tinchlik va barqarorlikka tahdid solishini bas qilishi kerak", - dedi diplomatik missiyasi vakili Liu Pengyu.
Izoh (0)