Ilon Maskning SpaceX kompaniyasi Falcon Heavy raketasini muvaffaqiyatli uchirdi, raketa Amerikaning Jupiter 3 telekommunikatsiya sun’iy yo‘ldoshini geostatsionar orbitaga olib chiqdi. Bu haqda kompaniya 29-iyul, shanba kuni Twitter’da ma’lum qildi.
“Jupiter 3 sun’iy yo‘ldoshi koinotga chiqqani tasdiqlandi”, — deyiladi xabarda
Raketa tashuvchi Floridaning LC-39A Kennedi nomidagi Koinot markazidan Toshkent vaqti bilan shanba kuni 08:04 da uchirilgan.
Og‘irligi 9,2 tonna bo‘lgan aloqa sun’iy yo‘ldoshi dunyodagi eng og‘ir sun’iy yo‘ldosh hisoblanadi. Kosmik apparat yuqori tezlikdagi internetga ulanishni ta’minlashga mo‘ljallangan. U AQSH, Kanada, Meksika va Janubiy Amerika hududida sekundiga 500 gigabit tezlikni ta’minlay oladi.
Sun’iy yo‘ldosh 445 million dollarga baholanadi.
Tashuvchidan ajralgach, Falcon Heavy’ning ikkita yon tezlatkichi Floridadagi kosmodromga muvaffaqiyatli qo‘ngan.
Izoh (0)