O‘zbekiston bo‘yicha kuzatilgan juda issiq ob-havodan so‘ng, shimoli-g‘arbiy hududlarga Qozog‘iston hududlaridan nisbatan salqin havo kirib kelishi boshlandi, deb xabar bermoqda “O‘zgidromet”.
Qayd etilishicha, 28-iyul kuni nisbatan salqin havoning kirib kelishi O‘zbekistonning qolgan barcha hududlariga tarqaladi, ammo haroratning pasayishi respublikaning shimoli-g‘arbida pasaygani kabi sezilarli bo‘lmaydi. Kunduz kuni respublika hududining katta qismida kunduzgi harorat 33-38 daraja atrofida, janubda 40-42 darajagacha issiq bo‘ladi.
Respublika hududining katta qismida yog‘ingarchilik kutilmaydi, faqat Samarqand, Jizzax viloyatlarida va kunning ikkinchi yarmida Toshkent viloyati va Farg‘ona vodiysi viloyatlarida ba’zi joylarda qisqa muddatli yomg‘ir yog‘ishi mumkin.
Respublika bo‘yicha ba’zi joylarda shamol tezligi 13-18 metr/sekundgacha, ayrim joylarda 20-22 metr/sekundgacha kuchayishi, chang-to‘zon bilan kuzatilishi kutilmoqda.
28–30-iyulda respublikaning tog‘oldi va tog‘li hududlarida ba’zi joylarda qisqa muddatli yomg‘ir yog‘ishi, momaqaldiroq bo‘lib, sel-suv toshqin hodisalari yuzaga kelishi mumkin.
Toshkentda 28–30-iyul kunlari havo asosan kam bulutli bo‘ladi, yog‘ingarchilik kutilmaydi. 28-iyul kuni kunduzi harorat 35-37 daraja, dam olish kunlari 36-39 daraja bo‘ladi.
Izoh (0)