Vladimir Zelenskiy uzoq masofaga zarba berishga mo‘ljallangan qurollar yetishmayotganini ma’lum qildi, u mazkur masalani AQSH prezidenti Jo Bayden bilan uchrashuvda muhokama qilmoqchi.
“Bizga uzoq masofaga uchuvchi raketalar kerak. Yetishmovchilik hali ham bor, men bu masalani ko‘taraman”, — dedi u NATO bosh kotibi Yens Stoltenberg bilan bo‘lib o‘tgan matbuot anjumanida.
Avvalroq The New York Times gazetasi o‘z manbalariga tayanib, AQSH prezidenti ma’muriyati rasmiylari Kiyevga uzoq masofaga uchuvchi ATACMS raketalarini yetkazib berish imkoniyatini yashirincha muhokama qilayotgani haqida xabar bergan edi.
Bir kun avval Fransiya prezidenti Emmanuel Makron uzoq masofaga uchuvchi raketalarni Kiyevga topshirish qarorini e’lon qilgan edi. LCI kanalining aniqlik kiritishicha, gap Storm Shadow analogi bo‘lgan SCALP raketalari haqida ketmoqda.
Izoh (0)