Dmitriy Peskov Ukraina razvedka boshqarmasi rahbari Kirill Budanovning “Vagner” iyun oyi oxirida yadro quroliga egalik qilishga uringani haqidagi bayonotlarini yolg‘on deb atadi.
Bir kun oldin Budanov Reuters bilan suhbatda “Vagner” askarlari go‘yoki Voronej-45 omboridan yadroviy qurilmalarni olmoqchi bo‘lganini aytgandi.
23-iyun kuni “Vagner” rahbari Yevgeniy Prigojin qurolli isyon ko‘tarib, Moskva sari yo‘lga chiqdi. Ertasi kuni Rossiya prezidenti Vladimir Putin murojaat yo‘llab, askarlarni bu yo‘ldan qaytishga chaqirdi. Aks holda oqibati yomon bo‘lishidan ogohlantirdi.
24-iyun kuni Belarus rahbari Aleksandr Lukashenko Putin bilan kelishilgan holda kun davomida “Vagner” rahbariyati bilan muzokaralar olib bordi. Tomonlar Rossiya Federatsiyasi hududida “qonli qirg‘in” sodir etilishiga yo‘l qo‘yilmasligi to‘g‘risida kelishib oldilar.
Shundan so‘ng, “Vagner” askarlari uchun xavfsizlik kafolatlari bilan bog‘liq vaziyatni hal qilish uchun maqbul variant qabul qilindi. Yevgeniy Prigojinga Belarus hududiga ketish huquqi berildi.
Ammo oradan 5 kun o‘tib Prigojin boshchiligidagi “Vagner” askarlari Kremlda Putin bilan uchrashgani ma’lum bo‘ldi.
Izoh (0)