Владимир Зеленский узоқ масофага зарба беришга мўлжалланган қуроллар етишмаётганини маълум қилди, у мазкур масалани АҚШ президенти Жо Байден билан учрашувда муҳокама қилмоқчи.
“Бизга узоқ масофага учувчи ракеталар керак. Етишмовчилик ҳали ҳам бор, мен бу масалани кўтараман”, — деди у НАТО бош котиби Йенс Столтенберг билан бўлиб ўтган матбуот анжуманида.
Аввалроқ The New York Times газетаси ўз манбаларига таяниб, АҚШ президенти маъмурияти расмийлари Киевга узоқ масофага учувчи ATACMS ракеталарини етказиб бериш имкониятини яширинча муҳокама қилаётгани ҳақида хабар берган эди.
Бир кун аввал Франция президенти Эммануэл Макрон узоқ масофага учувчи ракеталарни Киевга топшириш қарорини эълон қилган эди. LCI каналининг аниқлик киритишича, гап Storm Shadow аналоги бўлган SCALP ракеталари ҳақида кетмоқда.
Изоҳ (0)