Tayvan Tashqi ishlar vazirligi o‘z veb-saytida AQSH iltimosiga ko‘ra orolda biologik qurol ishlab chiqarish bo‘yicha laboratoriya qurilgani haqidagi OAV xabarlarini rad etdi.
Avvalroq Tayvanning Lianhe Xinwyen nashri Tayvan hukumatining 23-iyun kuni bo‘lib o‘tgan maxfiy yig‘ilishi bayonnomasiga asoslanib, AQSH hukumati Tayvan mudofaa departamentidan keyinchalik biologik qurol yaratishda foydalanish uchun viruslarni ishlab chiqaruvchi laboratoriya qurishni so‘ragani haqida xabar bergan edi.
Xabarda aytilishicha, go‘yoki Mudofaa vazirligi vakili maxfiy uchrashuv chog‘ida departament AQSH so‘roviga ko‘ra biologik qurollarni ishlab chiqish bo‘yicha xavfsizlik darajasi 4 (BSL-4) bo‘lgan laboratoriyani qurish bo‘yicha dastlabki loyihani yakunlaganini aytgan.
“Ushbu OAV xalqning hukumatga va Tayvan – AQSH hamkorligiga ishonchini susaytirish maqsadida tasdiqlanmagan manbalarga tayangan holda soxta ma’lumot tarqatayotgani birinchi marta emas”, — deyiladi Tayvan Tashqi ishlar vazirligi bayonotida.
Izoh (0)