Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
“Mitti vayn” kulgi jamoasi aktyori Murod Solihov otasiga elektron mototsikl sovg‘a qildi hamda ushbu jarayon aks etgan videoni kuzatuvchilariga namoyish etdi.
Shahzoda Muhammedova ayni vaqtda Italiyaning Rim shahrida turmush o‘rtog‘i bilan sayohat qilmoqda.
Shahzoda Rim shahridagi diqqatga sazovor maskanlarni kuzatuvchilariga ham namoyish etmoqda.
Xonanda Lola kenja farzandi — Aishaning tug‘ilgan kunini Samarqanddagi mehmonxonada nishonladi.
Farhod va Shirin dueti xonandasi Farhod yakkaxon ijodidagi ilk qo‘shig‘ini muxlislari e’tiboriga havola etdi. “Sevgilim” deb nomlangan ushbu qo‘shiqqa ishlangan o‘ziga xos klipda xonandaning rafiqasi Dilnoza suratga tushgan.
Shahlo Zoirova o‘ziga quyib qo‘ygandek o‘xshaydigan qizi Shaydo bilan Samarqand shahrini ziyorat qildi.
O‘zbekistonda xizmat ko‘rsatgan artist Rashid Xoliqov oila a’zolari bilan birgalikda Xurgada shahrida hordiq chiqarmoqda.
O‘zbekistonda xizmat ko‘rsatgan artist Ulug‘bek Rahmatullayev 41 yoshida yana bir bor otalik baxtiga sazovor bo‘ldi. Xonandaning xonadonida o‘g‘il farzand dunyoga kelgan hamda unga Muhammad Ali deb ism qo‘yilgan.
Xonanda Manzura kuzatuvchilariga nevarali bo‘lgani haqida so‘zlab berdi. Hali turmush qurmagan xonanda katta ehtimol bilan nevara deganda jiyanlaridan birining farzandini nazarda tutgan.
O‘zbekiston xalq artisti Yulduz Usmonova ijtimoiy tarmoqlarda tarqalgan samolyot sotib olgani bilan bog‘liq gap-so‘zlar yuzasidan bayonot berdi. Uning ma’lum qilishicha, “Agar samolyot sotib olishga yetadigan pul topsa, uni saratondan aziyat chekayotganlarga ehson qilgan bo‘lardi”. Samolyot esa qo‘shni mamlakatlardagi to‘y va konsertlarga xizmatga yetib borish uchun ijaraga olingan.
Ilk marta ona bo‘lish arafasida turgan aktrisa Nigina Anorboyeva sahifasiga yangi suratini joyladi.
“Mitti vayn” kulgi jamoasi aktyorlari onalarini tog‘ga dam olgani olib borgani aks etgan videoni sahifalariga joyladi.
Taniqli aktrisa Zarina Nizomiddinova kuzatuvchilariga yangi surat bilan ko‘rinish berdi.
Ozoda Nursaidova singlisi va jiyani bilan Turkiya sayohatiga jo‘nab ketdi.
Izoh (0)