Камерунлик футболчи Самюуэль Этo’Онинг қизи отасига бир йиллик қамоқ жазоси берилишини сўрамоқда.
2022 йил февраль ойида Самюуэль тўрт йиллик суд жараёнларидан сўнг Эрика до Росарио Невесни ўз қизи деб тан олганди. Суд Этo’Ога ойига 1400 евро миқдорида алимент тўлаш мажбуриятини юклаган.
Собиқ футболчи 5 йил мобайнида алимент тўламай келган. Қизнинг адвокати Фернандо Осунанинг сўзларига кўра, Самюуэль 90 минг евро тўлаб бериши лозим.
“У 5 йил давомида қизига алимент тўламай келган ва ҳозир ҳам суднинг қарорини эътиборсиз қолдирмоқда. Эриканинг молиявий аҳволи жуда ёмон, бу пайтда Этo’О ҳашаматда яшаяпти”, — дейди Осуна.
Шунингдек, адвокат судланганига қарамасдан Самюуэлнинг Камерун футбол федерацияси раҳбарлигида қолаётганлигини тушунмаётганини таъкидлаган.
Эрика до Росарио Невес Этo’Онинг қамалишини истамоқда. Ҳозирда Мадрид суди бу ишни кўриб чиқмоқда.
Эслатиб ўтамиз, Самюуэль Этo’О Қатарда бўлиб ўтган Жаҳон Чемпионати вақтида блогернинг юзига оёғи билан зарба берганди.
Изоҳ (0)