Gollivud yulduzi Bred Pitt Anjelina Joli undan farzandlarini tortib olmoqchi bo‘layotganidan shikoyat qildi

Gollivud aktyori Bred Pitt sobiq rafiqasi Anjelina Joli bilan bo‘lgan huquqiy mojarosi uning farzandlari bilan munosabatlariga ta’sir qilayotgani haqida so‘zlab berdi. Bred Pitt  sobiq xotini uni o‘g‘illari va qizlari bilan muloqot qilishdan mahrum qilmoqchi bo‘layotganini ma’lum qildi.

Hozir 59 yoshda bo‘lgan aktyor 2016-yilda Anjelina Joli bilan ajrashgan. O‘shandan beri ularning o‘rtasidagi sud jarayoni to‘xtagani yo‘q. Juftlik farzandlarini vasiylikka olish borasida bahslashdi va hozirda ular umumiy mulki —  fransuz Chateau Miraval vino zavodining aksiyalari bilan bog‘liq muammolarni hal qilmoqda. Aktyorning yaqinlari u sobiq rafiqasining qilayotgan ishlaridan hayron qolganini aytgan.

“Pittning fikricha, Anjelina o‘zi xohlagan narsaga erishish uchun, ya’ni farzandlarini olib ketish uchun hech narsadan to‘xtamaydi. Uning barcha harakatlari javob zarbasi ekanligiga ishonchim komil. Ular muammoni tinch yo‘l bilan hal qila olmaydi. Bu uzoq davom etgan jang tez orada tugashi dargumon”, — deydi aktyorning do‘sti.

“Bobil” filmidagi bosh rol ijrochisi samolyot bortidagi oilaviy mojaro haqida ham gapirib bergan. Jolining ta’kidlashicha, aktyor unga nisbatan shafqatsiz munosabatda bo‘lgan va o‘g‘li Meddoksga qo‘l ko‘targan. Pitt muxlislarini bu haqiqat emasligiga ishontirishga harakat qilgan. Aktyorning so‘zlariga ko‘ra, “Abadiylar” filmining yulduzi uning obro‘siga putur yetkazmoqchi bo‘lgan.

“Anjelina jamoatchilik aktyorning unga va bolalarga nisbatan zo‘ravonlik qilgani haqida eshitganidan mamnun edi. Aktrisaning fikricha, bu Bredning obro‘siga ko‘proq ta’sir qilishi kerak edi. U Bredni kechirmaydi va unutmaydi”, — deydi insayderlardan biri.

Olti farzandning onasi sobiq turmush o‘rtog‘idan juda xafa ekanini aytgan. Jolining hayoti Pitt bilan ajrashganidan keyin keskin o‘zgardi. Aktrisa depressiyadan chiqdi va boshqalar bilan muloqot qilishdan bosh tortdi. Anjelina farzandlari bilan gaplashib tasalli topishga harakat qildi.

Bred tanaffusdan keyin normal hayotga qaytishga muvaffaq bo‘ldi. Aktyorning hozirda 29 yoshli dizayner Ines de Ramon bilan ishqiy munosabatda ekani haqida mish-mishlar tarqalgan. U Anjelina bilan turmush qurganida yashagan uyini ham sotgan.

Pitt aktrisa qizini 17 yoshga to‘lishi arafasida ko‘rishga ruxsat bermaganidan shikoyat qilgan. Joli qizi Shayloni Yamaykaga dam olishga yuborgan.