Aksariyat oilalar asrab olgan bolalarini o‘z farzandlaridek tarbiyalashadi. Mashhurlar ko‘pincha afrikalik va osiyolik go‘daklarning hayotini yaxshilash va boshqalarni ham xuddi shunday xayrli ishlarni qilishga ilhomlantirish uchun shu ishni qilishni afzal ko‘rishadi.
Madonna
Xonanda Madonna malavilik to‘rt nafar bolani asrab olgan. U o‘g‘li Devid Banda Mvaleni 2006-yilda, uch yildan keyin esa qizi Chikundo Mersi Jeymsni asrab olgan. Madonna 2017-yilda egizaklari Stella va Esterning vasiyligini oldi. Shuningdek, xonandaning aktyor Karlos Leondan Lourdes ismli qizi va rejissor Gay Richi bilan turmushidan Rokko Jon ismli o‘g‘li bor.
Bred Pitt va Anjelina Joli
Juftlikning olti nafar farzandi bor, ulardan uchtasi asrab olishgan. Anjelina 2002-yilda kambodjalik Maddoksni, 2005 yilda efiopiyalik Zaxarani asrab oldi. Shundan keyin juftlik 2007-yilda vyetnamlik Paks Tyen ismli bolani asrab oldi. Juftlikning Shaylo ismli qizi, Noks Leon va Vivyen Marshelin ismli egizaklari ham bor.
Tom Kruz va Nikol Kidman
Juftlik ikki nafar farzandni: 1993-yilda Izabella Jeyn va 2005-yilda Konnor Entonini asrab olgan. Tom va Nikol ajrashganidan so‘ng bolalar otasi bilan qoldi. Keyt Urban bilan turmush qurgan Kidmanning Sandey Rouz va Feyt Margaret (surrogat ona dunyoga keltirgan) ismli qizlari, Kruzning esa Keti Xolms bilan turmushidan Suri ismli farzandi bor.
Sandra Bullok
Jessi Jeymsga turmushga chiqqan Sandra farzand asrab olmoqchi edi, biroq juftlik farzand asrab olmasidan oldin ajrashdi. Aktrisa 2010-yilda Lui Bardo ismli o‘g‘il farzandni va uch yildan so‘ng Leyla ismli qiz farzandni asrab oldi.
Sharliz Teron
Aktrisa 2012-yilda Jekson ismli bolani, 2015-yilda Ogast ismli qizni asrab olgan.
Jeymi Li Kertis
Aktrisa va uning turmush o‘rtog‘i Kristofer Gest 1986-yilda qizi Ennini va 1996-yilda o‘g‘li Tomasni vasiylikka olgan.
Sheron Stoun
2000-yilda San-Francisco Chronicle muharriri Fil Bronshteynga turmushga chiqqan aktrisa Roen Jozefni asrab oldi. Juftlik ajrashganidan keyin bola otasi bilan qoldi. Aktrisa 2005-yilda Sheron Lerd Vonni, bir yildan so‘ng esa Kuinn Kellini asrab oldi.
Ketrin Xaygl
Xonanda Jon Kelli bilan turmush qurganidan keyin aktrisa janubiy koreyalik Nensi Li ismli qizni asrab olishga qaror qildi. Juftlik 2009-yilda qizaloqni asrab olgan va AQSHga uchishdan oldin chaqaloqning yuragi operatsiya qilingan. Ular 2012-yilda Adelaida Mari Xopni asrab olid. 2016-yilning dekabr oyida esa juftlikning birinchi farzandi Joshua Bishop dunyoga keldi.
Keyt Blanshett
2015-yilda aktrisa va uning turmush o‘rtog‘i Endryu Apton chaqaloq Edit Vivianni asrab oldi. Juftlikning uchta: Deshil Jon, Roman Robert va Ignatius Martin ismli o‘g‘illari bor.
Xyu Jekman
Deborra Li Fernessning farzandi bir necha bor nobud bo‘lganidan so‘ng juftlik ikki nafar farzandni asrab olishga qaror qildi. Ular 2000-yilda o‘g‘li Oskar Maksimilianni va 2005-yilda qizi Ava Eliotni asrab olgan.
Izoh (0)