Сурхондарё вилояти Бойсун туманида йўл-патрул хизмати ходими ўз хизмат машинасида аварияга учради. Вилоят ИИБ ҳолат тафсилотларини очиқлади.
Унга кўра, ҳолат 11 июнь куни соат 09:00 ларда Сурхондарё вилояти, Бойсун тумани Ат-Термизий кўчасида содир бўлган. 1977 йилда туғилган фуқаро Сатторов Ҳ.Ҳ. бошқарувида бўлган электромотороллер қарама-қарши йўналишда ҳаракатланиб келиб, қайрилиб олмоқчи бўлган сафдор Комилов А.А.га бириктирилган Lacetti ЙПХ автомобили билан тўқнашув содир этган.
Ҳодиса натижасида тан жароҳати олганлар йўқ. ЙТҲ юзасидан Сурхондарё вилояти ИИБ ЖХХ ЙҲХБ масъуллари томонидан сафдор Комилов А.А.га нисбатан хизмат текшируви тайинланган бўлиб, натижаси маълум қилинади.
Қайд этилишича, мазкур ҳолатдан келиб чиқиб, Сурхондарё вилояти ИИБ ЖХХ ЙҲХБ шахсий таркиби ходимларининг хизмат ва шахсий траснпорт воситаларининг техник ҳолати кўздан кечирилди. Ходимларга йўлларда қоидаларга риоя этган ҳолда ҳаракатланишлари бўйича йўриқнома берилди.
Изоҳ (0)