Andijon viloyati Asaka tumanida uchta mashina ishtirokida YTH sodir bo‘ldi. Viloyat yo‘l harakati xavfsizligi boshqarmasi axborot xizmati xabar berdi.
Xabarga ko‘ra, holat 20-iyun kuni soat 16:00 larda Asaka tumani “Fayzobod” MFY Fayzobod ko‘chasidan o‘tgan 4R-112 avtomobil yo‘lining 158-kilometrida sodir bo‘lgan. 1997-yilda tug‘ilgan U.B. o‘zining Malibu 2 sini boshqarib kelayotib, oldida harakatlanib kelayotgan 1964-yilda tug‘ilgan O‘.A. boshqaruvida bo‘lgan Damas avtomashinasi bilan to‘qnashuv sodir qilgan.
Shundan so‘ng yo‘l chetida to‘xtab turgan A.N. boshqaruvida bo‘lgan Lacetti‘ga borib urilib, to‘qnashuv sodir qilgan. To‘qnashuv natijasida 3 ta avtomashina texnik shikastlangan, Damas yo‘lovchisi 2009-yilda tug‘ilgan Yu.M. tan jarohati olib, shifoxonaga yotqizilgan.
Mazkur holat yuzasidan Asaka tumani IIB YHXG mas’ul xodimlari tomonidan surishtiruv ishlari olib borilmoqda.
Izoh (0)