Андижон вилояти Асака туманида учта машина иштирокида ЙТҲ содир бўлди. Вилоят йўл ҳаракати хавфсизлиги бошқармаси ахборот хизмати хабар берди.
Хабарга кўра, ҳолат 20 июнь куни соат 16:00 ларда Асака тумани “Файзобод” МФЙ Файзобод кўчасидан ўтган 4Р-112 автомобиль йўлининг 158-километрида содир бўлган. 1997 йилда туғилган У.Б. ўзининг Malibu 2 сини бошқариб келаётиб, олдида ҳаракатланиб келаётган 1964 йилда туғилган Ў.А. бошқарувида бўлган Damas автомашинаси билан тўқнашув содир қилган.
Шундан сўнг йўл четида тўхтаб турган А.Н. бошқарувида бўлган Lacetti’га бориб урилиб, тўқнашув содир қилган. Тўқнашув натижасида 3 та автомашина техник шикастланган, Damas йўловчиси 2009 йилда туғилган Ю.М. тан жароҳати олиб, шифохонага ётқизилган.
Мазкур ҳолат юзасидан Асака тумани ИИБ ЙҲХГ масъул ходимлари томонидан суриштирув ишлари олиб борилмоқда.
Изоҳ (0)