Andijon viloyati Bozorlar va savdo komplekslari uyushmasida 17-iyun kuni navbatdan tashqari yig‘ilish o‘tkazildi. Bu haqda viloyat FVB xabar berdi.
Unga ko‘ra, yig‘ilishda Favqulodda vaziyatlar boshqarmasi bo‘lim boshlig‘i O.Qo‘ldoshev ishtirok etdi va uyushma raisi hamda uyushma tarkibidagi 39 ta bozorlar, savdo komplekslari rahbarlari qatnashdi. Kun tartibidagi asosiy masala, Vazirlar Mahkamasining tegishli farmoyishi ijrosi hamda favqulodda vaziyatlarning oldini olish va yong‘in xavfsizligini taʼminlash yuzasidan O.Qo‘ldoshev tomonidan asosli ko‘rsatmalar berildi.
Xususan, yong‘in yuklamasi va xavfi yuqori bo‘lgan bozorlar va savdo komplekslarida shartnoma asosida viloyat FVB Yong‘in-qutqaruv bo‘linmalari navbatchiligini tashkil etish, 39 ta bozor va savdo komplekslarining maʼmuriyati va masʼul shaxslarini shartnoma asosida muddatidan avval, qaytadan maxsus kurslarda o‘qitish yuzasidan kelishuvlarga erishildi.
Yig‘ilish bayoni qaror qismida belgilangan vazifalar ijrosi uyushma va uning tizimidagi maskan rahbarlariga yuklandi.
Izoh (0)