O‘zLiDePdan prezidentlikka nomzod Shavkat Mirziyoyev 16-iyun kuni namanganlik saylovchilar bilan uchrashuvda transport tizimini yaxshilashga oid rejalarini aytdi.
Unga ko‘ra, aholi va sayyohlarga yanada qulaylik yaratish maqsadida, Uychi tumani orqali Uchqo‘rg‘on va Norinni markaz bilan bog‘laydigan zamonaviy yo‘l quriladi. Pop tumanini Namangan shahri bilan bog‘laydigan elektr poyezdi qatnovi yo‘lga qo‘yiladi, Chust va Pop hududidan o‘tuvchi temiryo‘l tarmog‘i tortiladi (12 kilometr).
Pop—Namangan avtomobil yo‘lining 75 kilometr qismi xalqaro standartlar asosida 4 tasmali sement-beton qoplamali yo‘lga aylantiriladi. Buni amalga oshirish uchun 160 million dollar jalb etiladi.
Bundan tashqari, Namangan xalqaro aeroporti tashqi boshqaruvga berilib, bu yerda “kargo” yuk terminali ish boshlaydi. Uchqo‘rg‘onning Qirg‘iziston bilan chegarasida yirik “Erkin savdo zona”si tashkil qilinadi.
Izoh (0)