Qashqadaryo viloyatining Qarshi shahrida hokimlik xodimi 2 million 200 ming so‘m pora bilan qo‘lga olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Qayd etilishicha, hokimlik xodimi fuqaroga uy-joy sotib olish uchun subsidiya ajratib berishni vaʼda qilgan.
“Bosh prokuratura huzuridagi departamentning Qashqadaryo viloyat boshqarmasi va IIB xodimlari hamkorligida o‘tkazilgan tezkor tadbirda Qarshi shahar hokimligi sho‘ba bosh mutaxassisi A.B. va fuqaro M.T. fuqaro D.D.ga uy-joy sotib olish uchun subsidiya ajratish masalasini hal qilib berish evaziga 2,2 mln so‘mni olgan vaqtida ashyoviy dalillar bilan ushlangan”, — deyiladi departament xabarida.
Mazkur holat yuzasidan Jinoyat kodeksining 168-moddasi (firibgarlik) va 212-moddasi (pora olish-berishda vositachilik qilish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)