San-Fransisko xalqaro aeroporti rahbariyati 14 yoshli Dyuk Ellington Morris laqabli mushukni ishga oldi, deb xabar bermoqda “Pravila jizni” nashri.
Dyuk aeroportning davolovchi hayvonlar guruhiga qo‘shildi, hayvonlar orasida bir nechta it, cho‘chqa va quyon ham bor. Ularning vazifasi parvozdan so‘ng asabiylashgan sayohatchilarning stressini yengillashtirishga yordam berish uchun “Meni erkalating” yozuvi tushirilgan nimchalarda terminallar bo‘ylab yurish.
Bir paytlar Dyukning o‘zi yordamga muhtoj edi. 2010-yilda och ko‘cha mushugi qutqarilib, boshpanaga jo‘natilgan. Dyuk u yerdagi besh yoshli qizaloqning e’tiboriga tushdi va u ota-onasidan mushukni uyiga olib ketishlarini so‘radi.
Yangi oila uy hayvonining yuvvosh va yoqimtoyligidan hayron qoldi va unga terapevt mushuk sertifikatini olib berishdi. Dyuk so‘nggi o‘n yil davomida San-Fransisko kasalxonalarida bemorlarga ma’naviy yordam ko'rsatib kelgan.
Izoh (0)