Сан-Франциско халқаро аэропорти раҳбарияти 14 ёшли Дюк Эллингтон Моррис лақабли мушукни ишга олди, деб хабар бермоқда “Правила жизни” нашри.
Дюк аэропортнинг даволовчи ҳайвонлар гуруҳига қўшилди, ҳайвонлар орасида бир нечта ит, чўчқа ва қуён ҳам бор. Уларнинг вазифаси парвоздан сўнг асабийлашган саёҳатчиларнинг стрессини енгиллаштиришга ёрдам бериш учун “Мени эркалатинг” ёзуви туширилган нимчаларда терминаллар бўйлаб юриш.
Бир пайтлар Дюкнинг ўзи ёрдамга муҳтож эди. 2010 йилда оч кўча мушуги қутқарилиб, бошпанага жўнатилган. Дюк у ердаги беш ёшли қизалоқнинг эътиборига тушди ва у ота-онасидан мушукни уйига олиб кетишларини сўради.
Янги оила уй ҳайвонининг юввош ва ёқимтойлигидан ҳайрон қолди ва унга терапевт мушук сертификатини олиб беришди. Дюк сўнгги ўн йил давомида Сан-Франциско касалхоналарида беморларга маънавий ёрдам кўрсатиб келган.
Изоҳ (0)