Nukusda 27 yoshli ayol uyining 4-qavatidan tushib ketib, vafot etdi. Bu haqda “Daryo”ga Bosh prokuratura matbuot kotibi Hayot Shamsutdinov ma’lum qildi.
12-iyun kuni turmush o‘rtog‘i B.U. soat 05:40 larda uyqudan turganida ayoli M.A. uyda yo‘qligini bilgan. Tashqariga chiqqanida uyi oshxonasi derazasi ostida uni hushsiz holatda topib, tez yordam va yaqinlariga qo‘ng‘iroq qilib, xabar bergan.
Nukus shahar prokuraturasi tomonidan o‘tkazilayotgan tergovga qadar tekshiruv davomida ayolning o‘lim sabablarini aniqlash yuzasidan zarur ekspertizalar tayinlangan.
Tekshirishda aniqlangan dastlabki maʼlumotlarga ko‘ra, marhuma M.A. va fuqaro B.U. 2017-yilda turmush qurib, 2018 va 2021-yillarda o‘g‘il va qiz farzandli bo‘lgan.
2022-yil sentabrida marhumaning ikki nafar egizak chaqaloqlari kasallikdan vafot etgani sababli, ruhiyatida o‘zgarish bo‘lgan.
Izoh (0)