Нукусда 27 ёшли аёл уйининг 4-қаватидан тушиб кетиб, вафот этди. Бу ҳақда “Дарё”га Бош прокуратура матбуот котиби Ҳаёт Шамсутдинов маълум қилди.
12 июнь куни турмуш ўртоғи Б.У. соат 05:40 ларда уйқудан турганида аёли М.А. уйда йўқлигини билган. Ташқарига чиққанида уйи ошхонаси деразаси остида уни ҳушсиз ҳолатда топиб, тез ёрдам ва яқинларига қўнғироқ қилиб, хабар берган.
Нукус шаҳар прокуратураси томонидан ўтказилаётган терговга қадар текширув давомида аёлнинг ўлим сабабларини аниқлаш юзасидан зарур экспертизалар тайинланган.
Текширишда аниқланган дастлабки маълумотларга кўра, марҳума М.А. ва фуқаро Б.У. 2017 йилда турмуш қуриб, 2018 ва 2021 йилларда ўғил ва қиз фарзандли бўлган.
2022 йил сентябрида марҳуманинг икки нафар эгизак чақалоқлари касалликдан вафот этгани сабабли, руҳиятида ўзгариш бўлган.
Изоҳ (0)