“Azon ovozini eshitib, shu kunlarga kelganimizga yig‘lagim keladi” — Shavkat Mirziyoyev

O‘zbekiston prezidentligiga nomzod Shavkat Mirziyoyev andijonlik saylovchilar bilan uchrashuvda mamlakatda diniy erkinlikka qaratilayotgan e‘tibor haqida gapirdi.

Shavkat Mirziyoyev bundan bir necha yillar ilgari ko‘chalarda erkin yurib bo‘lmaganini, Azon ovozi eshitilmaganini aytib, hozirgi kunda erkin yurish, qo‘rquv yo‘q bo‘lganining o‘zi muvaffaqiyat ekanini ta‘kidladi.

“Bu yerda o‘tirgan har bir odam, mening savolimga javob bering ko‘chadagi emin-erkin yurishimiz, qo‘rquv yo‘q bo‘lganining o‘zi katta muvaffaqiyat emasmi? Azon ovozini eshitib shu kunlarga kelganimizga yig‘lagim keladi. Buning o‘zi qachon bizda bor edi. Musulmon davlat, Buxoriylar yurti deymiz. Yo‘q edi-ku, mumkin emasdi-ku”, — deydi Shavkat Mirziyoyev.