Yaponiya iqtisodiyoti 2023-yilning yanvaridan martigacha aholining sadr va ignabargli daraxtlar gulchanglariga allergiyasi tufayli 383,1 milliard iyena (2,7 milliard dollardan ortiq) zarar ko‘rdi. Bu haqda Daiichi Life sug‘urta kompaniyasi qoshidagi Iqtisodiy tadqiqotlar instituti hisob-kitoblariga tayanib, Nikkei gazetasi xabar bermoqda.
Tadqiqot muallifi Tosixiro Nagahama iqtisodiy yo‘qotishlarni yapon aholisining bahorda uydan kamroq chiqishi bilan bog‘ladi. Shu tariqa umumiy ovqatlanish va ko‘ngilochar tarmoqlarning daromadlari kamaygan, shuningdek, transport oqimlari qisqargan.
Yaponiyada pollinoz (mavsumiy allergiya) milliy kasallik deb ataladi. Bu ko‘z yoshlanishi, shuningdek quloq kanallaridan suv oqishi, burun oqishi, aksirish va qichishishga olib keladi. Millionlab fuqarolar bahorda allergiyadan aziyat chekadi. Yapon sadr daraxti kuchli allergiya qo‘zg‘atadi va uning ta’siri bir necha oy davom etishi mumkin.
Avvalroq Yaponiya hukumati mamlakat aholisini pollinozdan xalos qilish uchun kelgusi 30 yil ichida daraxt gulchanglari ajralib chiqishini ikki baravar kamaytirishga va’da bergan edi. Qayd etilishicha, o‘n yil ichida yosh sadr daraxtlarining 90 foizdan ortig‘i o‘rnini kamroq gulchang hosil qiluvchi turlarga almashtirish rejalashtirilgan.
Izoh (0)