Қашқадарё вилояти Косон туманида мактаб ўқувчилари 9 ёшли болани зўрлагани айтилган хабар ўрганилди. Вилоят Мактабгача ва мактаб таълими бошқармаси воқеа тафсилотларини очиқлади.
Хабарга кўра, ҳолат масъуллар иштирокида атрофлича ўрганилди. Косон туман мактабгача ва мактаб таълими бўлими раҳбарияти ижтимоий тармоқларда эълон қилинган “Қашқадарёда мактаб ўқувчилари 9 ёшли болани зўрлаганликда гумон қилинмоқда” мазмунидаги мурожаатни масъуллар иштирокида мактабга бориб мактаб раҳбарлари, ўқувчиларнинг ота-оналари, маҳалла фаоллари ва ИИБ ходимлари иштирокида ўрганди.
Ўрганиш жараёнида ушбу воқеага гувоҳ бўлган 5-синф ўқувчиларининг гувоҳлик беришича, 11 май куни кундузи соат 15:16 чамасида мактабнинг 3-синф ўқувчиларининг бир нечтаси, аниқроғи, 8 нафари дарсдан кейин спорт залига кирган ва ўзаро ўйин ўйнаб турган вақтларида мактабнинг икки нафар 5-синф ўқувчиси ҳам спорт залига кирган.
Ўзларидан қуйи синфда ўқиётган ўқувчиларни қўрқитиб, спорт залидан бир нечтасини чиқариб юборган. Спорт залида қолган 4 нафар 3-синф ўқувчисини кичкина хонага киритган ва ўзларининг қўлларида бўлган ўйинчоқ резинка илон билан кийимларини ечтириб, уларнинг бир нафарининг баданига, жумладан, белидан пастки қисмига ҳам урган.
Шундан сўнг уларни ташлаб чиқиб кетишган, бу ҳолатдан хафа бўлган ўқувчи уйига кетган ва қўрқув натижасида ҳеч кимга ҳеч нарса айтмаган. Орадан уч кун ўтгач бу боланинг синфдоши унинг онасига бўлган воқеа ҳақида айтиб берган, бу воқеадан таъсирланган она боласини тиббий экспертиза қилдирмасдан турли сўзларни бошқа ОАВ вакилларига айтган.
Ҳозирги кунда тиббий экспертиза хулосасининг тоза чиққани ҳақида шифокорлар оғзаки маълумот берган ва унинг тасдиғи келгусида очиқланиши ҳақида маълумот берилган. Айни пайтда воқеа туман ИИБ тергов бўлими томонидан ўрганилмоқда, мактаб раҳбарияти ёки бошқа раҳбарлар томонидан боланинг ота-онаси ёки оила аъзоларига ҳеч қандай босим ўтказилмаган. Воқеа ва мактабдаги мавжуд маънавий ҳолат бўлим масъул ходимлари назоратига олинган.
Изоҳ (0)