Jizzax viloyati Sharof Rashidov tumanidagi korxonadan salkam bir mlrd so‘mlik elektrdan qarzdorlik undirildi. Bu haqda viloyat hokimligi axborot xizmati xabar berdi.
Unga ko‘ra, MIB ish yurituvidagi Jizzax tumanlararo iqtisodiy sudining 2022-yil 27-dekabrdagi ijro varaqasiga asosan qarzdor Jizzax viloyat nasos stansiyalari va energetika boshqarmasidan “Jizzax hududiy elektr tarmoqlari” AJ foydasiga 962,3 million so‘m miqdoridagi qarzdorlik undirish belgilangan. Mazkur ijro ishi doirasida qarzdorga ijro ishi qo‘zg‘atilib, taraflarga yuborilgan.
Shuningdek, 12 dona avtotransport vositasi, 7 dona texnika va 30 ta maxsus vositalar, 34 ta ko‘chmas mulkiga taqiq o‘rnatilgan. Bank hisob raqamlariga band solingan.
Ijro ishi bo‘yicha amalga oshirilgan majburiy ijro harakatlari natijasida qarzdor Jizzax viloyat nasos stansiyalari va energetika boshqarmasidan qarzdorlik to‘liq undirilib, ijrosi amalda taʼminlandi.
Izoh (0)