Professional boksning yarim o‘rta (-66,6 kg) vazn toifasida harakat qiladigan Shahram G‘iyosov (13-0, 9 KO) navbatdagi jangini AQSHda o‘tkazadi. Bu haqda Matchroom Boxing ma’lum qildi.
17-iyun kuni Yangi Orlean shahrida bo‘lib o‘tadigan boks oqshomida O‘zbekiston vakiliga amerikalik Harold Kalderon (27-0, 18 KO) raqib bo‘ladi.
Ushbu jang g‘olibi WBA chempionlik kamariga majburiy da’vogarga aylanadi.
G‘iyosov so‘nggi jangini 2022-yilning may oyida o‘tkazib, 10 raund davom etgan jangda meksikalik Kristian Gomesni mag‘lub etgandi.
Kalderon esa oxirgi marta 2022-yil sentabrida ringga ko‘tarilgan va 3-raunddagi nokaut evaziga g‘alaba qozongan.
Izoh (0)