APL. “Manchester Siti” qoldirilgan tur o‘yinida “Brayton”ni yenga olmadi

Futbol bo‘yicha Angliya Premyer Ligasining qoldirilgan 32-turida “Manchester Siti” 24-may, chorshanba kuni “Brayton” mehmoni bo‘ldi.

Uchrashuvning 25-daqiqasida Fil Foden “shaharliklar”ni hisobda oldinga olib chiqdi. 38-daqiqada esa Xulio Ensiso muvozanatni tikladi. O‘yinda ushbu ikki goldan boshqa gollar urilmadi va durang natija qayd etildi. 

Chempionlikni rasmiylashtirgan Pep Gvardiola shogirdlari ochkolarini 89 taga yetkazib oldi. “Brayton” esa 62 ochko bilan 6-pog‘onani band etgan. 

APL

32-tur bahsi

24-may, chorshanba

“Brayton” – “Manchester Siti” 1:1

Gollar: 0:1 – 25 Foden, 1:1 – 38 Ensiso.

“Brayton”: Stil, van Xekke, Koluill, Estupinyan, Gilmor (Mak Allister, 52), Ensiso (Fergyuson, 52), Kaysedo, Mitoma, Buonanotte (Veltman, 75), Gross, Uelbek (Undav, 75).

“Manchester Siti”: Ortega, Uoker, Stounz (Serxio Gomes, 84), Rodri, Lyuis, Gundo‘g‘an, de Bryuyne (Alvares, 57), Bernardu Silva (Fillips, 84), Foden (Palmer, 51), Mahrez, Holand.

Ogohlantirishlar: Bernardu Silva (41), Gvardiola (83), Veltman (89), van Xekke (90).