O‘zbekistonlik grossmeyster Nodirbek Abdusattorov (2731) shaxmat bo‘yicha ChessKid Cup—2023 onlayn musobaqasi finalida g‘olib chiqib, grand finalga yo‘l oldi.
Finalda O‘zbekiston vakili Yorden van Forestdan 2,5:1,5 hisobida ustun keldi. Endilikda Nodirbek mag‘lublar setkasida zafar quchgan shaxmatchi bilan grand finalda bahs yuritadi. Grand final 26-may kuni bo‘lib o‘tadi.
Mag‘lublar setkasi finalida van Forest Fabiano Karuana va Jyul Mussar juftligi g‘olibi bilan kuch sinashadi. Unda yutgan grossmeyster hal qiluvchi bellashuvda Abdusattorovga qarshi dona suradi.
Qayd etish kerak, Nodirbek musobaqaning dastlabki bosqichida Mussarni, yarim finalda esa Karuanani mag‘lub etgandi.
Izoh (0)