“Ювентус”дан яна очко олиб ташланди. Клуб 7-ўринга тушиб кетди

Молиявий айёрликлар туфайли Туриннинг “Ювентус” клубидан 10 очко олиб ташланди.

Туринг клуби Италия футбол федерацияси аппеляция суди томонидан сохта капиталларни амалга оширганликда айбланиб, жазога тортилди, дея хабар беради журналист Жанлука ди Марсио. 

69 очко жамғарган туринликлар А Серия жадвалида 2-ўринда бораётган эди. Жазо кучга киргач, “Ювентус” 7-ўринга тушиб кетди. Чемпионлар Лигасига йўлланма берувчи ўриндан 5 очко ортда. Жамоа олдида яна 3 та тур бор. 

Эслатиб ўтамиз, “Ювентус” футболчиларнинг трансфер нархини ошириб кўрсатганликда, шунингдек, ходимларнинг харажатлари ҳақидаги маълумотларни ва футболчилар маошининг ҳақиқий ҳажмини яширганликда айбланган. Шу боис 2023 йилнинг январь ойида А Серия доирасида клубдан 15 очко олиб қўйилганди. Апрель ойида эса жамоага очколар қайтарилди.

Прокурор Жузеппе Chine “кекса синёра”дан 11 очко олиб ташланиши ва собиқ раҳбарлар 8 ойга футболдан четлатилишини талаб қилганди.