Актёрлар фильмларда суратга тушиши учун турли хил синовлардан ўтиши, маълум талабларни бажариши керак. Қуйида лойиҳалардаги роллари сабаб кўп вазн орттирган машҳурлар ҳақида маълумот берилади.
Райан Гослинг — “Севимли суяклар”
Бир куни 30 ёшдан кичик бўлган Райан Гослингга ўсмир қизнинг отаси ролини ўйнашни таклиф қилишди. Райан бу рол ёшига мос эмаслигини ва уни ўйнай олмаслигини тушунди, бироқ “Севимли суяклар” фильмини суратга олмоқчи бўлган Питер Жексон Гослингни бу ролни ўйнай олишига ишонтирди. Суҳбатдан сўнг ижодкорларнинг йўллари қисқа муддатга ажралди ва Райанга юраги эзилган ота ролини семиз, соқолли инсон сифатида тақдим этиш ғояси келади. Райан Гослинг имкониятдан фойдаланишга қарор қилади. У соқол олишни тўхтатди ва жуда кўп миқдорда музқаймоқ истеъмол қилди. Бироқ актёр музқаймоқни ейиш учун эмас, ичиш учун сотиб олган. Райан чанқаган заҳоти музқаймоқ олиб, микротўлқинли печда эритиб, ичди. Музқаймоқ чанқоқни қондирмайди, шу сабабли актёр уни кўп миқдорда истеъмол қилган ва натижада 27 килограмм вазн орттирган. Райан суратга олиш ишларидан бир неча кун олдин Питер Жексон билан учрашди, режиссёр натижани кўрди ва Гослингни ролга қабул қилмади, чунки унинг қаҳрамони бундай кўринишга эга бўлиши керак эмас эди. Райан дастлаб ўйнашни хоҳламаган ролини йўқотди.
Остин Батлер — “Элвис”
Элвис Пресли ролига тайёргарлик кўриш учун актёр Остин Батлер ўзининг дўстлари ва қариндошлари билан мулоқот қилишдан бош тортди, чунки у Пресли ролини тўлиқ қабул қилишни хоҳлади. Шундай қилиб, орадан бир неча ой вақт ўтди. Бу орада актёр нафақат яқинлари билан яхши муносабатини йўқотди, балки вазн тўплашга муваффақ бўлди.
Остин Батлер Гослинг билан содир бўлган воқеадан илҳомланганди ва худди шу нарсани такрорлашга қарор қилди. Актёр ҳам музқаймоқ сотиб олиб, чанқоғини қондириш учун худди шу тартибда истеъмол қилди. Шу билан бирга, у ўз парҳезига жуда кўп миқдорда пончиклар қўшди, шунинг учун тезроқ вазн орттирди. Бироқ, маълум бўлишича, Остин Батлер керакли натижага тўлиқ эриша олмади ва махсус костюмни кийишга мажбур бўлди.
Кристиан Бэйл — “Қувват”
Кристиан Бэйл кўп йиллар давомида ўзгаришлари билан мухлисларни ҳайратда қолдирди. Ўзгаришларнинг барчаси унинг соғлиғига салбий таъсир кўрсатди. Унинг энг кўзга кўринган лойиҳаларидан бири “Қувват” фильми бўлиб, актёр бу фильмда суратга тушиши учун деярли 20 килограмм вазн орттирди. Кристиан бу борада Райан Гослингдан ўрнак олмади ва пироглар ёрдамида вазн тўплашга қарор қилди. Бэйл вазн йўқотишдан кўра семириш қизиқроқ эканини айтган.
Винсент Д’Онофрио — “Металл кўйлак”
Винсент Д’Онофрио бу фильмга суратга тушмасидан олдин бақувват йигит эди, бироқ Стенли Кубрикка бундай актёр керак эмас эди. Винсентнинг сўзларига кўра, у ўз кассетасини Кубрикка юборганидан сўнг, режиссёр ундан қўшимча 4 килограмм вазн олишни сўраган. Д’Онофрио учун бу ҳолат қимматга тушмади, чунки у Стенли Кубрик билан ишлашни жуда хоҳлаган. Бироқ директор бу билан тўхтаб қолмади. Кейинги бир неча ҳафта ичида Винсент кўпроқ кассеталар юборди. Натижада Винсентнинг вазни 34 килограммга етди ва у яна беш ой давомида суратга олиш ишларидан сўнг вазн йўқотди.
Рене Зеллвегер — "Брижет Жонеснинг кундалиги"
Бундан ташқари, режиссёрлар актрисалардан ҳам тез-тез вазн олишни сўрашади. Шарлиз Тероннинг “Монстр” ва “Талли” фильмларидаги қаҳрамонини кўпчилик эслайди, бироқ “Брижет Жонеснинг кундалиги” фильми учун интенсив машғулотлардан ўтган Рене Зеллвегер ҳам бу каби эътиборга лойиқ.
Рененинг ёрдамчиси унинг 13 килограмм вазн олиши учун ҳар ярим соатда унга кичик ликопчаларда картошка чипслари ва пончиклар олиб келарди ва актриса овқатланиш пайтида спагетти истеъмол қиларди.
Изоҳ (0)