Sirdaryo viloyati Guliston shahrida olib qochilgan mashina YTHga uchragan holda topildi. Bu haqda viloyat IIB axborot xizmati xabar berdi.
Xabarga ko‘ra, Guliston shahar, “Navbahor” mahallasi Xondamir ko‘chasida sodir bo‘lgan. Voyaga yetmagan Sh.O. mazkur ko‘chada turgan Nexiaʼni g‘ayriqonuniy ravishda ochib, kaliti turganidan foydalanib, uni olib qochgan.
U mashinada ketayotgan vaqtida boshqaruvni yo‘qotishi oqibatida Guliston shahar 6-sonli umumtaʼlim maktabi binosini o‘rab turuvchi temir panjaraga katta tezlikda borib urilgan va avtomashinani qoldirib, o‘zi hodisa joyidan yashiringan.
Mazkur holat yuzasidan Guliston shahar IIB huzuridagi Tergov bo‘limi tomonidan fuqaro Sh.O.ga nisbatan Jinoyat kodeksining 267-moddasi 1-qismi bilan jinoyat ishi qo‘zg‘atilgan bo‘lib, hozirgi kunda tergov harakatlari olib borilmoqda.
Olib qochilgan mashinalar
Qoraqalpog‘istonning Nukus shahrida olib qochilgan Trailblazer ag‘darilgan holda topilgan edi. Shuningdek, Toshkent viloyatining Olmaliq shahrida o‘zganing Spark avtomobilini olib qochishda gumonlangan 6 nafar yigit qo‘lga olingan. Bundan tashqari Namangan viloyati Chortoq tumanida voyaga yetmagan shaxs avtomashinani olib qochib, yo‘l-transport hodisasiga uchragani xabar qilingan.
Izoh (0)