А Серия. “Милан” ўзида аутсайдерни тор-мор этди, Оливье Жирудан ҳет-трик 

Футбол бўйича Италия А Сериясининг 36-турида “Милан” ва “Сампдория” 20 май, шанба куни ўзаро тўқнаш келди.

Учрашув миланликларнинг 5:1 ҳисобидаги ғалабаси билан якунланди. “Россонери” сафида Оливье Жиру ҳет-рик қайд этган бўлса, Рафаэл Леау ва Браим Диаслар биттадан гол муаллифига айланди. Меҳмонлар таркибида Фабио Куалярелла битта голни ўз ҳисобига ёздириб қўйди.

“Милан” очколари сонини 64 тага етказиб, 5-ўринда бормоқда. Милан клуби ЕЧЛга йўлланма берувчи ўринлар учун курашмоқда. Ҳозирча 4-ўринда бораётган “Лацио”да 65 очко мавжуд. 3-ўриндаги “Интер”да эса 66 очко. Бироқ, ҳар иккала жамоа ҳали ушбу турдаги ўйинларини ўтказгани йўқ. 

А Серия

36-тур баҳси

20 май, шанба

“Милан” – “Сампдория” 5:1

Голлар: 1:0 – 9 Рафаэл Леау, 1:1 – 20 Куалярелла, 2:1 – 23 Жиру, 3:1 – 29 Жиру (пенальти), 4:1 – 63 Браим Диас, 5:1 – 68 Жиру.

“Милан”: Менян, Калабрия, Томори (Кер, 81), Тиав, Эрнандес (Балло-Туре, 81), Крунич, Браим Диас (де Кетеларе, 70), Тонали (Побега, 81), Рафаэл Леау, Мессиас (Салемакерс, 60), Жиру.

“Сампдория”: Раваля, Заноли, Нюйтинк (Амионе, 69), Гюнтер, Аужелло, Лерис, Ринкон (Паолетти, 82), Журичич (Илкхан, 82), Уинкс, Куалярелла (Иконому, 69), Габбядини (Ламмерс, 69).

Огоҳлантиришлар: Гунтер (27), Заноли (30), Эрнандес (75), Иконому (89).