17 yillik ayriliqdan so‘ng, 2000-yillarning eng taniqli juftligi yana topishdi: Jennifer Lopes va Ben Afflek. Yulduzlar birlashib, to‘xtagan joylaridan davom etishdi: to‘y qilib, birga yashay boshlashdi. Ayni paytda ular o‘zlarining buyuk sevgisi va besh farzandi joylashadigan yangi hashamatli uy qidirmoqda — Jey Lo o‘zining eski uyini sotuvga qo‘ydi.
Sevgi qissasi
2003-yilda, 2000-yillarning eng mashhur yulduzli juftligi shov-shuvli janjal tufayli ajralishdi: Jennifer Lopes va Ben Afflek rejalashtirilgan to‘ylarini marosim arafasida bekor qilishdi; munosabatlarni yaxshilashga bo‘lgan qisqa urinishdan so‘ng, ular nihoyat hammasiga nuqta qo‘ydi. Ammo yosh aktyor bo‘lajak kelinning raqobatiga bardosh bera olmagan bo‘lishi mumkin: Jey Loning karyerasi yuqoriga ko‘tarilgani sari Afflek ketma-ket “Oltin malina” olardi.
Omadsiz to‘ydan ko‘p o‘tmay, Jennifer Lopes do‘sti Mark Entoni bilan uchrasha boshladi. Ko‘p o‘tmay ular turmush qurishdi va taxminan 10 yil birga yashashdi. Ushbu nikohdan aktrisa va qo‘shiqchi Jennifer Lopesning ikki farzandi tug‘ildi — egizaklar Maks va Emma. 2015-yilda nikoh rasmiy ajralish bilan yakunlandi.
2016-yilda yolg‘iz qolgan Jennifer Lopes aktrisa Sela Uordning Kaliforniyadagi hashamatli uyini sotib oldi. Bu uy uzoq tarixga ega: u 1940-yilda afsonaviy modernist yahudiy dizayner Samuel Abraham Marks tomonidan qurilgan. U Nyu-Orlean san’at muzeyi va Los-Anjelesdagi afsonaviy May kompaniyasi do‘konini qurgani bilan mashhur. U yerda ham dizayner bir nechta ajoyib xususiy uylar quradi.
Uy yulduzga 30 million dollarga tushdi — yana qanchadir pul interyerni to‘liq o‘zgartirishga sarflandi.
Tashqi bezak
Los-Anjelesdagi Jennifer Lopes saroyiga borish uchun Bel Air mehmonxonasiga yetmasdan avtomobil yo‘liga burilishingiz kerak. Uchastkali uy 323 gektar maydonni egallaydi. Mulkda alohida mehmonxona, katta basseyn, hovlida ayvonli yopiq teras va ulkan maysazor bor. Asosiy uy quyosh panellari bilan jihozlangan.
Uyning tashqarisi qaymoqrang; qayta qurish paytida uning tabiiy yog‘ochdan yasalgan ustunlari, quyoshdan himoya qiluvchi jalyuzilar saqlab qolingan.
Uy interyeri
Uning umumiy yashash maydoni 1 000 kvadrat metrdan ortiq. Unda:
- 9 yotoqxona;
- 13 ta hammom;
- shaxsiy sport zal;
- 100 o‘rinli uy kinoteatri;
- gulxan yoqiladigan ayvoncha;
- ulkan golf maydoni;
- basseyn;
- shaxsiy spa-salon;
- plyajga ega bo‘lgan shaxsiy ko‘l bor.
Ikki qavatli mehmonxona
Mehmonxonada qo‘lda ishlangan temir panjarali zinapoya; shinam kamin va kamin yonida mehmonlarga ichimliklarni aralashtirib berish uchun rakovinali bar bor. “Ho‘l bar” deb ataladigan bu joy uyda ziyofat berish uchun qulay, chunki rakovinaning mavjudligi mehmonlarga ichimliklar berish tezligini oshirishga yordam beradi: barmen mikser va stakanlarni tezroq yuvadi. Bu arzimas narsa bo‘lib tuyulishi mumkin, lekin bunday hashamatli mehmonxonaga suv quvurlarini ko‘rintirmay olib kelish oson ish emas.
Oila a’zolari uchun mo‘ljallangan rasmiy yemakxona va mehmonxona
Yog‘ochdan yasalgan shinam kutubxona
Qadimgi akademik kutubxonalarning eng yaxshi an’analariga ko‘ra, yuqori qavatlarga chiqish uchun zinapoyalar va deraza yonida kitob o‘qish uchun qulay burchak mavjud. Katta kamin ro‘parasida keng joy ham mavjud.
Uning orqasida nonushta qilish uchun qulay burchagi bo‘lgan o‘yinxona joylashgan. O‘yinxonada kattalar uchun bilyard, bolalar uchun o‘yin avtomati mavjud.
Yerto‘lada joylashgan ulkan kinoteatr
Asosiy yotoqxonaning eshiklari alohida garderoblarga olib boradi.
Muhabbat koshonasi
Aslida Ben Afflek va Jey Lo shu uyda birga yashashlari kerak edi. Ammo yangi turmush qurganlar, aftidan, bu uy mehmonlar uchun torlik qiladi degan qarorga kelishgan. Juftlikning besh farzandi bor: Benning uchta o‘smiri va Jenniferning egizaklari. Shunday qilib, mazkur uy yengil ta’mirdan so‘ng sotuvga qo‘yildi — 42,5 million dollarga, bu uy 7 yil oldin sotib olinganidan 12,5 million dollarga ko‘p. Ben Afflek ham o‘zining 28,5 million dollarlik uyi bilan xayrlashishga qaror qildi. Yulduzli juftlik 2 yil davomida Beverli-Xillzdagi ijara uyida yashab, hozirda yangi uy izlab Los-Anjeles bo‘ylab sayohat qilishmoqda.
Izoh (0)