Oq uydagi Milliy xavfsizlik kengashi strategik aloqa koordinatori Jon Kirbining aytishicha, Qo‘shma Shtatlar, hatto defolt bo‘lgan taqdirda ham, moliyaviy yil oxirigacha (30 sentyabrgacha) Ukrainaga yordam berish imkoniyatini saqlab qoladi.
Brifingda janob Kirbidan defolt yuzaga kelgan taqdirda Qo‘shma Shtatlar Ukrainani qo‘llab-quvvatlashni to‘xtatadimi yoki yo‘qmi, deb so‘ralgan.
“Ukrainani qo‘llab-quvvatlashga kelsak, bu o‘tgan yili Kongress tomonidan bizga ajratilgan mablag‘larga bog‘liq. Biz bu mablag‘lardan hamon foydalanmoqdamiz va bu ishni joriy moliyaviy yil oxirigacha davom ettirish imkoniyatiga ega bo‘lamiz”, — deb tushuntirdi janob Kirbi.
AQSHning davlat qarzi hozirda 31,4 trillion dollarni tashkil etadi. Moliya vazirligi shoshilinch choralar ko‘rmoqda, chunki qarz olish limitiga allaqachon erishilgan, aks holda defolt e’lon qilinadi.
AQSH prezidenti ma’muriyati Kongressdan davlat qarzi chegarasini oshirishni talab qildi, biroq Kongress quyi palatasini nazorat qiluvchi respublikachilar bunga qarshi: ular davlat qarzi chegarasini oshirishga qarshi emas, faqat davlat xarajatlari kamaytirilsagina buni amalga oshirish mumkin deb hisoblashmoqda.
Izoh (0)