“Tolibon” Tashqi ishlar vazirligi Pokistonda sobiq bosh vazir Imron Xon hibsga olinganidan keyin boshlangan tartibsizliklarga munosabat bildirdi. Bu haqda Hasht-e Subh Daily xabar berdi.
Afg‘oniston muvaqqat hukumati bo‘layotgan voqealardan afsusdaligini qayd etgan. “Tolibon” afg‘onlarini himoya qilish uchun Pokistondagi diplomatik vakolatxonalari va konsulliklariga zarur ko‘rsatmalar berganligini bildirgan. Holat yuzasidan qo‘shni davlat hukumatiga barqarorlik xalqi manfaati ekani va bag‘rikenglikni tanlashni tavsiya etilgan.
Eslatib o‘tamiz, Imron Xonning Pokistonda hibsga olinishi “Tehrik-e-Insaf” tarafdorlari tomonidan keng ko‘lamli norozilik to‘lqiniga sabab bo‘lgan va bu mamlakatdagi siyosiy-xavfsizlik vaziyatining yomonlashuviga olib kelgan. Hukumat Islomoboddagi namoyishlarni bostirish maqsadida shaharga armiya bo‘linmasini yuborgan, mamlakat bo‘ylab internetdan foydalanishga cheklov o‘rnatilgan.
Izoh (0)