“Толибон” Ташқи ишлар вазирлиги Покистонда собиқ бош вазир Имрон Хон ҳибсга олинганидан кейин бошланган тартибсизликларга муносабат билдирди. Бу ҳақда Hasht-e Subh Daily хабар берди.
Афғонистон муваққат ҳукумати бўлаётган воқеалардан афсусдалигини қайд этган. “Толибон” афғонларини ҳимоя қилиш учун Покистондаги дипломатик ваколатхоналари ва консулликларига зарур кўрсатмалар берганлигини билдирган. Ҳолат юзасидан қўшни давлат ҳукуматига барқарорлик халқи манфаати экани ва бағрикенгликни танлашни тавсия этилган.
Эслатиб ўтамиз, Имрон Хоннинг Покистонда ҳибсга олиниши “Теҳрик-э-Инсаф” тарафдорлари томонидан кенг кўламли норозилик тўлқинига сабаб бўлган ва бу мамлакатдаги сиёсий-хавфсизлик вазиятининг ёмонлашувига олиб келган. Ҳукумат Исломободдаги намойишларни бостириш мақсадида шаҳарга армия бўлинмасини юборган, мамлакат бўйлаб интернетдан фойдаланишга чеклов ўрнатилган.
Изоҳ (0)