Eron va Afg‘oniston chegarasida eronlik chegarachilar muhojirlar tomon o‘q uzishi oqibatida afg‘onistonlik o‘smir halok bo‘ldi. Bu haqda Hasht-e Subh Daily xabar berdi.
Ma’lum qilinishicha, hodisa 7-mayga o‘tar kechasi Afg‘oniston va Eron chegarasida Nimro‘z viloyatida sodir bo‘lgan. Eron chegarachilari chegarani noqonuniy kesib o‘tmoqchi bo‘lgan bir guruh Afg‘oniston fuqarolariga qarata o‘t ochgan.
Oqibatda Bodg‘is viloyatida istiqomat qiluvchi Najib ismli 17 yoshli afg‘onistonlik o‘smir halok bo‘lgan.
Har kuni yuzlab Afg‘oniston fuqarolari qashshoqlik, ishsizlik va xavfsizlik muammolari tufayli noqonuniy yo‘llar orqali Afg‘onistondan Eronga ketmoqda. Bu holat “Tolibon” Afg‘oniston hukumatiga kelganidan keyin yanada kuchaygan.
Izoh (0)