Senator Odil Iminov 8-may kuni prezident ishtirokida bo‘lib o‘tgan referendum yakunlariga bag‘ishlangan uchrashuv hamda yangilangan Konstitutsiya yuzasidan fikrlarini bildirdi.
“Davlatimiz rahbari yangi O‘zbekiston Konstitutsiyasi muqaddima qismida belgilangan masalalar ichida birinchi darajali masala sifatida ijtimoy davlat ekanimizni ta’kidlab o‘tdi.
Yangilangan Konstitutsiyaga e’tibor berib qaraydigan bo‘lsak, bu yerda juda ham ko‘p ijtimoiy masalalar o‘z o‘rnini topgan. Jumladan, bu ta’lim sohasi, birinchi navbatda o‘qituvchilar qadr-qimmatini ko‘tarish.
Rivojlangan davlatlar tajribasidan bilamizki, o‘qituvchilarni qadrlagan millat, davlat yoshlarini barkamol qilib o‘stirishda yutuqqa erishadi. Shuningdek, oliy ta’lim masalasiga ham alohida e’tibor berilmoqda.
Oliy ta’lim muassasalarining akademik mustaqilligi, o‘quv dasturini mustaqil belgilashi, fuqarolarning tanlov asosida davlat hisobidan oliy ta’lim olishi mumkinligi bosh qomusimizda to‘g‘ridan to‘g‘ri belgilab qo‘yildi”, — deydi Odil Iminov.
Izoh (0)