IMZO Бухорода янги ишлаб чиқариш франшиза фабрикасини очди

Бухородаги фабрика IMZO фабрикасининг ишлаб чиқариш франшизаси доирасида очилган тўртинчи заводи бўлди. 

Жорий йилнинг 5 май куни Бухорода IMZO фабрикасининг янги франшиза ишлаб чиқариш фабрикаси очилиши бўлиб ўтди. Янги маскан IMZOнинг ишлаб чиқариш франшизаси остида очилган тўртинчи фабрика ҳисобланади. 

Тадбирда Бухоро вилояти ҳокимлиги ва IMZO фабрикаси раҳбарияти, компания ҳамкорлари, оммавий ахборот воситалари ҳамда кенг жамоатчилик вакиллари иштирок этди.

Лойиҳа тақдимотида тайёр бизнес ечимларни таклиф этувчи IMZO франшизаси Ўзбекистон ҳудудларидан келган тадбиркорлар учун янги имкониятлар очаётгани таъкидланди.

Бухородаги IMZO фабрикаси 6000 квадрат метр майдонда жойлашган. Янги фабрикада тайёр ойна-ром ва эшик тизимлари ишлаб чиқарилади. Корхонанинг ишлаб чиқариш қуввати йилига тахминан 180 минг квадрат метрни ташкил қилади. Бу эса сифатли маҳсулотларга ўсиб бораётган талабни тўлиқ қоплайди. Бухородаги IMZO франшиза фабрикасининг очилиши натижасида 100 га яқин янги иш ўрни яратилди.

Янги фабрика билан бир вақтда 250 квадрат метр майдонга эга замонавий IMZO кўргазма залининг очилиши ҳам бўлиб ўтди. Бу ерда компания мижозлари учун қулай шароитлар яратилган.

Жумладан, харидорлар дераза-ром танлаш ва ўрнатиш бўйича менежерлардан маслаҳат олиши, фабрикада ишлаб чиқарилаётган дераза ва эшик тизимларининг моделлари билан танишиши мумкин.

IMZO фабрикаси Ўзбекистонда ишлаб чиқариш франшизаларини бунёд этиб ишга туширишда ҳақли равишта пешқадам корхоналардан ҳисобланади. Бундан бир йил аввал Андижонда IMZOнинг биринчи франшиза фабрикаси ишга туширилиши билан компания мамлакатимиз ишбилармонлик муҳитида янги тенденцияни ўрнатганди.

IMZO франшиза фабрикаси очилиши ўзаро манфаатли ва узоқ муддатли стратегик ҳамкорликни назарда тутади. Ҳамкорлик доирасида шерик нафақат франшиза брендининг ижобий обрўсига эга бўлади, шу билан бирга кенг кўламда қўллаб-қувватланадиган бизнесни бошқариш бўйича батафсил қўлланмаларни, жумладан маркетинг, IT ва HR воситаларини, тайёр ҳужжатларни ва интеллектуал мулкни қўлга киритади. 

Ўз тажрибаси, билим ва технологияларини улашаётган IMZO бутун Ўзбекистон бўйлаб бизнес тузилмасини ривожлантиришни мақсад қилган. Бу эса мамлакатимиз ҳудудларида тадбиркорликни ривожлантириш ва фуқароларнинг турмуш даражасини янада оширишга ижобий таъсир кўрсатади.

IMZO фабрикасининг Бухоро вилояти Ғиждувон шаҳридаги шоуруми телефон рақами:
+99890 083-1111
IMZO фабрикаси билан франшиза ҳамкорлик шартлари ҳақида батафсил маълумот олиш учун ягона cалл-марказига мурожаат қилинг:
 +998 71-207-77-77